پەرلەمانێ مشکان

پەرلەمانێ مشکان

پەرلەمانێ مشکان: من ڤیا پەرتوکا خویا ڤێ جاری لبن ڤان ناڤ و نیشانان بدەمە وەشاندن. پەرلەمان جڤاتەکە ژ کوما سێ جڤاتان, لھەر وەڵاتەکی (جڤاتا وەزیران, جڤاتا قەزائیی, جڤاتا یاسا دانانێ= پەرلەمان). پەرلەمان ژ ناڤا مللەتی و بدەنگێن مللەتی دھێتن ھەلبژاتن و بو مللەتیە و دبیتن نوێنەرێ مللەتی. ئەو پەرلەمانێ کاریگەر و خودان بریار و دەستھەلات, ئەوە یێ یاسا دادنیتن لدیڤ بەرژەوەند و مفایێن گەلێن وەڵاتی... ھەردیسان دبیتن چاڤدێر لسەر دەستھەلاتا برێڤەبرنێ و دکاریتن سزا بدەتن, ھەر بەرپرسیار و کەسێ یاسایێ پێشێل دکەتن, یان ژی کارێ خو لدیڤ بەرژەوەندیا گشتی برێڤە نەبەتن, یان ژی بەرپرسیاریا خو بو مفایێ تایبەتی بکار دئینیتن. ئێک ژ ستونێن ھەرەمەزن و سەرەکی, دەولەت و جڤاتێن ئەوروپا بو پێش برین... پەرلەمانێن وان بوون, چونکی ژ بلی وان یاسا دداناندن, ئەوان چاڤدێریا یاسایێ ژی دکرن, ئەوێ سەرپێچی کربایە رادکێشا پەرلەمانی, لێ پرسین دگەل دا دکرن و دھاتە سزادان. ئەڤ یەکە بویە ئەگەرێ ھندێ دەستھەلات و بەرپرسیار لئەوروپا شەڤ و روژا بکەڤن خەبات وخزمەتێ ژبو پێشدابرن و سەرخستنا گەل و وەڵاتێ خو. لێ لدەڤ مە پەرلەمانێ ژار و بەلنگاز یاسا ددانن و خو لڤان یاسایان ناکەنە خودان و نزانن ئەڤ یاسایە دھێنە جێ بەجێ کرن یان نە؟ ئەگەر زانی ژی ئەڤ یاسایە دھێنە شکاندن و پشت گوە خستن ژی, خو ژبیر دکەن و ھەروەچکی وان ئەڤ یاسایە نەنڤێسین و دەنگ لسەر نەدای! مشک ژی گیاندارەکە زور جاران ھەڤخەم و ھەڤچەپەرێ مروڤی یە و بوساخلەمی و چارەکرنا نەخوشیێن مروڤان زانا زور مفا ژێ دیتیە, ھەردیسان مشک زورچالاک و شول کەرە و ھەردەم ھەڤرکە دگەل ئارێشێن ژیانێ, لەومانێ (پەرلەمانێ مشکان) بو ناڤێ ڤێ پەرتوکێ, دا ببزاڤ و ڤەژەن بکەڤیت ناڤ وان ژی. فلمکارتونێ کتک و مشکان ھەمی بچیک و زەلام حەز ژێ دکەن و ئەز باوەرم ھەرئێکێ بەرێ خوددەتنێ دخازین ئەو مشک بیتن, یان پشتەڤانێ مشکی بیتن دژی کتکێ. مشک شەڤ و روژان کاردکەتن و دھەڤرکیێ دایە و زور جار بزاڤێن وی یێن شەڤێ زێدەترن یان شەڤ و روژ لدەڤ وی روژە... روژ روناھیە و روناھی بکەد و بزاڤ و دلخوشکەرە. ھێشتا چاڤان رەش و سپی ژێک ڤاڤار نەکرین, دبیتن قیرێنا باتگێ دیکلان و گازی دکەن ھەمی رێنجبەر, ھەمی خودان کەد, ھەمی پسپور, ھەمی جانەوەر ژ خەو شیار بن... پالە دگەل ئەلندا روژێ دەست ددەن تەڤر و بێران و دچن سەر کاری. چوتیار دگەل دەرکەڤتنا پەرێن رۆژی جوتێ, گایێن خو لسەر مەرزێ خەتێ, لێک دزڤرینیتن و دەست بکێلانی دکەتن. قوتابی, ماموستا, فەرمانبەر, کاربدەست سەرێ سپێدێ, دەست بکارو کوکێن خو دکەن و دچن بو کاری و بو

کلیک بکە بۆ خوێندن

\Content\SiteImages\Article\501552417-694291197635795857734783650.pdf