بابەتی زیاتر


کۆڕۆناو مرۆڤی باڵا
03/29/2020 10:18:32
ئه‌رێ كۆرۆنا بەئایدز و كه‌ره‌نتینه‌ بەمەساج تێگه‌یشتون؟
03/24/2020 18:07:15
بیرکردنەوە لەسەردەمی کۆڕۆنادا
03/13/2020 10:11:48
دیموکراسی راسته‌وخۆ له‌شه‌قامه‌وه‌
03/11/2020 20:34:27
ئێمه‌ پێویستمان به‌ به‌ربه‌ستی ته‌ندروستی (كه‌ره‌نتینه‌) هه‌یه‌؟
03/11/2020 11:19:08

عەبدوڵلا ئوجئالان چیی وتووە هێندە زیندانی کراوە؟

د. فایق گوڵپی
د. فایق گوڵپی

بیستویەک ساڵە دەوڵەتی تورکیا سەرکردەیەکی گەلی کوردی بە سزای زیندانی هەتاهەتایی سزاداوە و زیندانی کردووە. خەڵک دەپرسێت بۆچی ئەو هێندە ساڵە ئوجئالان زیندانی کراوە و ئازاد ناکرێت؟. دەوڵەتی تورکیا دەڵیت لە تورکیادا کورد نییە، ئەوانەی پێیاندەڵین کورد ، تورکی شاخاوین.ئوجئالان دەڵیت گەلی کورد دانیشتوی دێرینی رۆژهەڵاتی ناوەراست و تورکیایە،لە پێش تورکەوە لەم ناوچەیەدا ژیاوە. دەوڵەتی تورکیا دەڵیت تورکیا وڵاتێکی یەک نەتەوە و یەک زمان و یەک ئاڵایە، بێجگە لە تورک نەتەوەی تر لە تورکیادا نییە.عەبدوڵلا ئوجئالان دەڵێت تورکیا وڵاتێکی فرە نەتەوە و فرەکڵتورو ئاین و ئاینزایە، کورد و تورک و ئەرمەنی و چەرکەس و عەرەب و عەلەوی و هیترە،تێدا دەژین. تورکیای ئەردۆغانی دەیەوێت دەوڵەتی عوسمانی زیندوبکاتەوە، لە رێگەی ئاینی ئیسلامەوە، گەلانی رۆژهەڵاتی ناوەراست بخاتەوە بندەستی دەوڵەتی تورکیا و نەتەوەی تورک بکاتەوە بە سەرداری نەتەوە و پیکهاتەکانی تری جیهان و ناوچەکە.عەبدوڵلا ئوجئالان دەیەوێت پرۆژەی رۆژهەڵاتی ناوەراستی دیمۆکراتی بنیات بنێت، یەکسانی نەتەوەیی و رەگەزی و هاوسەنگی ژینگەیی کۆمەڵگای پێش پلەداری زیندووبکاتەوە، بۆچونەکانی لە ئەزمونی رۆژئاوای کوردستان و باکوری سوریادا کاری پێدەکرێت . عەبدوللا ئوجئالان پێیوایە سیستەمی سەرمایەداری توانای چارەسەری کێشەکانی کۆمەڵگای نییە، سیستەمی سوسیالیستی لە رێ لایداوە و خزمەتی سیستەمی سەرمایەداری دەکات، سیستەمی ئیسلامی سیاسی کاتی بەسەرچووە. سیستەمی سەرمایەداری دەستی بەسەر سیستەمەکانی تردا گرتووە،لە پێناو دەستکەوتی ئابوریدا، ژینگەی تێکداوە و زۆرینەی کۆمەڵگای هەژار خستووە، گەنجان و ژنان و هەژارانی لە بریاری سیاسی بێبەش کردووە. عەبدوڵلا ئوجئالان پێیوایە، فەلسەفە و سیستەمە سیاسیەکانی سەرمایەداری و سوسیالیستی و ئیسلامی سیاسی، نەیانتوانیوە کیشەی کۆمەڵگاکانی رۆژهەڵاتی ناوەراست چارەسەر بکەن، نەیانتوانیوە هزری تاک و پێکهاتەکان بگۆڕن، بۆیە هەرچی بۆ چارەسەری کێشەکانی ناوچەکە دەکرێت، لە پای قوربانییەکی زۆر، نەک هەر سەرکەوتن بەدەست نایەت و گەلان و پێکهاتە چەوساوەکانی تر مافی خۆیان وەرناگرن، بەڵکو رۆژ لە دوای رۆژ، کێشەکان قوڵتر دەبنەوە و چارەسەریەکان دوردەکەونەوە. عەبدوڵلا ئوجئالان لە سەر دەسەڵات و سنوری نیشتمانی و دەوڵەتی نەتەوەیی و ژن و ژینگە و ئابوری، بۆچونی نوێی هەیە، لە دەرەوەی سیستەمی سەرمایەداری و سۆسیالیستی و ئیسلامی سیاسیدا، لە تەنیشتی ئەو سیستەمانەوە،ئەم تێگەیشتنە نوێیانەی لە سیستەمی کۆنفیدرالی دیمۆکراتیدا داڕشتوە بۆ گۆرینی تاک و کۆمەڵگاکان، هەوڵی بەرجەستەکردنیان دەدات.

فایق گوڵپی ١٢-٢-٢٠٢٠

 

 

02/13/2020 19:12:52 | 122 | Print Friendly and PDF