بابەتی زیاتر


پێغەمبەر و ئەبو جەهل بارزانی و ئۆجالان
04/30/2020 08:43:03
کۆڕۆنا له‌ ته‌رازووی ته‌ندرو‌ستی و ئابووری دا
04/28/2020 23:57:01
کۆڕۆناو مرۆڤی باڵا
03/29/2020 10:18:32
ئه‌رێ كۆرۆنا بەئایدز و كه‌ره‌نتینه‌ بەمەساج تێگه‌یشتون؟
03/24/2020 18:07:15
بیرکردنەوە لەسەردەمی کۆڕۆنادا
03/13/2020 10:11:48

بۆچی وێنەی سەربازانی تورکیا نیشان درا .....؟

یاسین عەلی
یاسین عەلی


بۆچی وێنەی سەربازانی تورکیا نیشان درا .....؟
سوپای تورکیا نزیکەی ۲٤ساڵە بنەو بارەگای لە کوردستانی ئێراق هەیە ، لەشارو شارۆچکەکانیش بەنهێنی بنکەی میت و دەزگای هەواڵگری سەربازیان هەیە .
پیشاندانی سوپای تورکیاو وێنە گرتن و نان خواردنیان لەگەڵ خەڵکی گوندی بەرمیزە مەبەستدارەو وەک پەیامێکیشە .
بەشێکی ئەو پەیامە بۆ ئەمەریکاو هاوپەیمانەکانیەتی کە گوایە تورکیا جگە لە پێگەی سیاسی و سەربازی خاوەن پێگەیەکی جەماوەری و کۆمەڵایەتی و ئاینی یە لە ناو خەڵکی کوردستانی ئێراق و ئەگەر بڕیار بێت ئاڵوگۆڕێک لە نەخشەی ئیداری و سیاسی ناوچەکە ڕووبدات ئەوا تورکیا ئەم هەرێمەی لە ئێستاوە وەک بەشێکی مسۆگەر بەردەکەوێت ، لەبەر ئەوەش نابێت ئەمەریکاو هاوپەیمانەکانی بیر لە گۆڕانکاریەکی لەو چەشنە بکەنەوەو لە ئێستادا هەوڵێکە بۆ پاشکەز بوونەوەیان ، وە بەشێکە لەو هەمئاهەنگی یەی لەگەڵ ئێران و ڕووسیا بۆ تێکشکاندن و هەڵوەشانەوەی پڕۆژەی ئەمەریکا و هاوپەیمانەکانی لە ئێراق .
دووەم پەیامیش ڕووی لە هەڵبژارنەکانی ئێراق و هەرێمە ، پێداگری تورکیایە بۆ پشتگیری هێزە وابەستەکانی ، وە دەبینێ خاڵی لاوازیان زۆرەو ئامادەش نین دەستبەرداری دەسەڵات ببن لەو پێناوەشدا ئامادەن هەموو خاک و خەڵک بکەنە قوربانی ، تورکیاش دەیان ساڵە کار بۆ ڕۆژگارێکی وەک ئەمڕۆ ئەکات .
ئێستا دوای ۲٥ساڵ لەم پاشاگەردانی سیاسی و ئابووریە ، ناوچەکە کراوەیە بۆ دەستوەردانی سیاسی و سەربازی گەورە ، بۆشایی ئیدارەو بەڕێوەبردن و نەمانی هیچ بنەمایەکی حوكمڕانی زەمینەیەکی هەمەلایەنەی بۆ گشت هێزە دەرەکیەکان ڕەخساندووە تا شوێن و پێگەی خۆیان لەناو ئەو کێبڕکێ و ناکۆکیانەدا بکەنەوە .
ئەم قۆناغە ئەگەر بێت و پێشی پێنەگرین دەبێتە مایەی گەورەترین کارەسات لەمێژووی کۆن و نوێ گەلی کورد دا ، چونکەم ئەم هێزانەی باشوور ساڵانێکە بە پشتیوانی دەرەکی و یاری کردن لەسەر پەتی ئەم هێزە ناکۆکانە خۆیان ڕاگرتووە ، ئێستاش ئەگەر بێت و ململانێ و پێکادان لەم ناوچەیە ڕووبدات بێگومان هاوشێوەی ناوچە سونی یەکان دەبێتە مەیدانی کاولکاری و کۆمەڵکوژی و ڕەنگە لێرە لەکوردستان خراپتریش ڕووبدات ، دواجاریش خودی سەرانی دەسەڵاتیش بەرەو پەتی سێدارە ڕاپێچ دەکرێن ، چونکە نەیانتوانی پەند لەمێژوو وەربگرن .
یەکەم کاردانەوەش دابەزینی سوپای ئەمەریکا بوو لە شەنگال و ڕەنگە ئەمەریکا ڕێگە نەدات بەم سەرەڕۆییەی تورکیا کە ڕووسیا و ئێران هاندەریین .
چیتر دەسەڵاتی هەرێم ناتوانێ درێژە بەم دۆخە دژوارە بدات و ڕێگەی نادەن و تاسەر لێشی قبووڵ ناکەن لەسەرەوە لەگەڵ ئەمەریکاو هاوپەیمانەکانی بێت و لەژێرەوە کار بۆ ووڵاتانی تورکیاو ئێران بکەن و ڕووسیاشیان خستۆتە بەرەی پشتیوانی خۆیان و تادێت فشارەکانیان بۆ وەدەرنانی ئەمەریکایە لە ئێراق پەرە دەستنێ و ئەمەریکاش هەموو کەناڵە سیاسی و سەربازی و دیپلۆماسیەکانی خستۆتەگەڕ تاکو بتوانێ دەستوەردانەکانی لە سوریاو ئێراق بەگوێرەی خواست و بەرنامەکانی ئاراستە بکات ، هەریەکە لە تورکیاو ئێرانیش دەیانەوێت بەڕێگەی وەکیلەکانیان جوڵەو جدیەتی ئەمەریکا تاقی بکەنەوە ، گەلی کوردیشیان کردۆتە ئامانج تا لە ڕێگای ئەم دەسەڵاتەوە بیکەنە قوربانی و کەوا سوری بەرلەشکر ، خاکی کوردستانیش بکەنە مەیدانی جەنگەکانیان ..
ساڵانێکە تەڤگەری ئازادی کوردستان و کۆنگرەی نەتەوەیی کوردستان بانگەواز دەکەن تا ئەم هێزانە دەست لە پاشکۆیەتی ئەم هیزو ئەو هێز بەردەن ، چونکە ئەمە تاسەر نیە و ئەو هێزانەش مەرامێکیان هەیە و ڕۆژێک دادێ پێویستیان بەم پاشکۆیانە نامێنێ یا خود ناکۆکی ئەو هێزانەش وادەکات بەکاریان بهێنن بۆ یەکلاکردنەوەی بەرژەوەندیەکانیان هاوشێوەی (سوپای ئازادی سوریا)..!! و گروپە ئیسلامیەکان چۆن دوای کاولکاری شارو شارۆچکەکان کردوویانن بە ئاوارەو وەک قەرەج ڕەفتاریان لەگەڵ ئەکەن و پاسەوانی خۆیانیان پێدەکەن ..

06/03/2018 02:02:49 | 824 | Print Friendly and PDF