بابەتی زیاتر


ئەگەر PKK لە قەندیل شکا
06/06/2019 18:20:53
قۆناغێکی سەخت و دژوار لە بەردەم دەنگەجیاوازەکانی کوردستان دەستپێدەکات
05/24/2019 16:32:59
وەهایگوت سەردەشت
05/04/2019 17:39:12
ئایندەی گەنج لە نێوان مانەوەی گرفت و کێشەکانیان یان هەنگاونان بۆ چارەسەر
05/03/2019 20:07:35
چوار نیشانەی مۆڕاڵی بەرز لەدیدی ڕەسڵ-ەوە
04/13/2019 20:15:44

ئەگەر PKK لە قەندیل شکا

د. فایق گوڵپی
د. فایق گوڵپی

ئەگەر PKK لە قەندیل شکا
هێرشی ئەمجارەی سوپای تورکیا تەنها بۆ لێدانی PKK نییە،بۆ داگیرکردنی باشوری کوردستانیشە،بۆ ئەوەیە کەرکوک لە باشوری کوردستان داببڕیت،بۆ ئەوەیە سیستەمی فیدراڵی عێراق و هەرێمی فیدراڵی کوردستان هەڵوەشێنتەوە،عراق بگەڕێنێتەوە بۆ وڵاتێکی ناوەندی وەک تورکیا و دەستکەوتەکانی گەلی کورد لە ناوبچن.
ئەگەر PKK لە قەندیل بشکێت ودەربکرێت،کۆڵەکەیەکی ئەستوری پاراستنی دەستکەوتەکانی هەرێمی کوردستان دەروخێت،ئاسایشی هەرێمی کوردستان و هاوپەیمانانی،بەر هەڕەشەی مەترسیداری هێزە تیرۆریستیەکانی ناوچەکە دەکەوێت،گەل روبەرووی ئەنفال و هەڵبجە و شەنگال دەبێتەوە،لەبەر ئەوەی دوای دەرچوونی PKK لە قەندیل،شوێنەکانی گەریلا  بە داعش و نمونەکانیان پڕدەکرێتەوە.
تا دێت هێرشەکانی سوپای تورکیا بۆ سەر باشوری کوردستان  فراوانتر دەبن،کەسیش ناتوانێت بلیت ئەوەی بۆ ئەنجامی هێرشەکنی تورکیا وێنای دەکەم وا نییە،کەچی دەسەڵاتدارانی هەرێم و  نوینەرانی کورد لە عێراق،بە تایبەتی سەرۆکی هەرێمی کوردستان و سەرۆک کۆماری عێراق،تا ئیستە بیدەنگیان هەڵبژاردوە،وەک بڵیی ڕیکەوتنێکی نهێنی لە نێوان تورکیا و بەرپرسانی کوردا، بۆ گۆرینی داگیرکەرێک بە داگیرکەرێکی تر،واتە گۆرینی تورکیا بە عێراق لە سنوری هەرێمی کوردستان و کەرکوک و موسڵدا هەبێت،نازانن ئەو جۆرە سیاسەتە شەڕی گەورە و ماڵوێرانکەر و لەناوچوونی دەستکەوتەکانی گەلی کوردی بە دوادا دێت،وەک چۆن ساڵی ١٩٨٨ هێزەکانی باشوری کوردستان لە شاری هەڵەبجە و هەندێک ناوچەی ئازادکراوی باشوری کوردستاندا،عێراقیان دەرکرد و ئێرایان هێنایە شوێنی،داگیرکەری عێراقیان بە داگیرکەری ئێران گۆڕی،ئەوە ئەنفال و کیمیابارانی هەڵەبجەی لێکەوتەوە.
ئەگەر دەسەڵاتدارانی هەرێم گڵۆپی سەوزیان بۆ تورکیا هەڵکردبێت بۆ ئەوەی  PKK لە قەندیل دەربکات،وابزانن دوای  لێدانی PKK سوپای تورکیا بۆ ناو خاکی تورکیا پاشەکشە دەکات و هەرێمی کوردستان بۆ ئەوان بەجێدەهێڵێت،ئەوەیە  خەونی شاعیرانە، ئەوەیە ساویلکەیی سیاسیی، ئەوەیە بێکەسی کورد، لەبەر ئەوەی هەر سوپایەک بە خوێنی سەربازەکانی ناوچەیەک داگیربکات،بە خوێن نەبێت ئەو ناوچەیە چۆڵناکات، مەرج و سیاسەتی خۆشی بەسەر دەوروبەریدا دەسەپێنێت.
ساڵی ٢٠١٤ تورکیا ویستی لە رێگەی داعشەوە دەستکەوتەکانی باشوری کوردستان و رۆژئاوای کوردستان لە ناوبەرێت،بەڵام سەرکەوتو نەبوو،دوای ئەوە هەوڵی زۆریدا راستەخۆ لە رێگەی سوپای خۆیەوە دەستکەوتەکانی رۆژئاوای کوردستان لە ناوبەرێت،هیزەنێودەولەتیەکان تەنها رێگەی داگیرکردنی عفرینیان پێدا.
وادیارە بەرپرسانی کورد لە هەرێم و عراق، رێگەیان بە تورکیا داوە هێڕش بۆ سەرPKK بکات،بەڵام لای تورکیا مەسەلەکا بە تەنها بە PKK وە ناوەستێت،ئەگەر عێراق و ئێران بە هێرش و داگیرکاری تورکیا رازیبن،شەرەکە بە داگیرکردنی باشوری کوردستان و هەڵوەشاندنەوەی هەرێمی فیدراڵی باشور کۆتاییدێت،خۆ ئەگەر عێراق و ئێران دژی داگیرکردنی بەشیکی عێراق( باشوری کوردستان بوەستنەوە)بوەستنەوە و بە هێرشی تورکیا رازی نەبن،باشوری کوردستان دەبێتە مەیدانی شەری ئەو هێزە ناوچەییانە و دوور لە خاک و گەلی خۆیان لە سەر خاک و گەلی کورد شەڕی یەکدی دەکەن و ناکۆکی و ململانێکانیان یەکلایی دەکەنەوە.
بۆیە گرنگە گەلی کورد بە هەموو پێکهاتەکانیانەوە،لە هەرچوارپارچەی کوردستان و لە درەوەی کوردستان،بێنە لای یەک،بە بەرنامەیەکی توکمە و بە  تێکۆشانێکی بێوچان،ئاستی خەباتی جەماوەری و دبلۆماسی و پەرلەمانی بەرزبکەنەوە و ریگە لە هێرش و داگیرکاریەکانی سوپای تورکیا بگرن.
فایق گوڵپی
٥-٦-٢-١٩

06/06/2019 18:20:53 | 550 | Print Friendly and PDF